प्रतिनिधी , संतोष कदम.
वालचंदनगर :- सीबीएस न्यूज मराठी चॅनलच्या वर्धापन दिनानिमित्त दि.02 फेब्रुवारी 2025 रोजी सांगोला येथील सदानंद मल्टीपर्पज हॉल येथे विविध पुरस्कारांचे वितरण करण्यात आले. वालचंदनगर, ता.इंदापूर येथील जेष्ठ सामाजिक कार्यकर्ते, प्रसिध्द लेखक, कवी, सुभाष वाघमारे यांना समाजसेवारत्न जीवन गौरव हा मानाचा पुरस्कार प्रदान करण्यात आला. हा पुरस्कार वितरण समारंभ आमदार डॉ.बाबासाहेब देशमुख, डिजीटल मिडिया संपादक, पत्रकार संघटना महाराष्ट्र राज्यचे संस्थापक अध्यक्ष राजा माने, सुप्रसिध्द ग्रामीण कथाकार आप्पासाहेब खोत, सीबीएस न्यूज मराठी चॅनलचे सर्वेसर्वा चाँदभाई शेख यांच्यासह विविध मान्यवरांच्या उपस्थितीत संपन्न झाला. यावेळी पुरस्कार स्विकारताना सुभाष वाघमारे, वालचंदनगरच्या आदर्श माजी आदर्श सरपंच सौ.सुषमा सुभाष वाघमारे, देविदास वाघमारे, अ‍ॅड. नितीन वाघमारे, शेवंता कसबे, विनोद चंदनशिवे यांच्यासह अनेक मान्यवर उपस्थित होते. कवी सुभाष वाघमारे यांचा “बुचाची फुले’’ हा ग्रामीण कथासंग्रह सुप्रसिद्ध ग्रामीण कथाकार आप्पासाहेब खोत यांना भेट देण्यात आला.
