पत्रकारिता अभ्यासक्रमाच्या विद्यार्थ्यांसाठी प्रा.ॲड. अरविंद देडे सुधारित कायदेविषयक मार्गदर्शन संपन्न..

 सोलापुर : रेखा रोकडे

 दिनांक.2 फेब्रुवारी 2025

यशवंतराव चव्हाण मुक्त विद्यापीठ भाई छन्नूसिंह चंदेले  महाविद्यालय सोलापूर पत्रकारिता अभ्यासक्रम विभाग यांच्या संयुक्त विद्यमाने पत्रकारिता अभ्यासक्रमाच्या[ DMCJ ] विद्यार्थ्यांसाठी कायदेविषयक मार्गदर्शनपर शिबीर घेण्यात आले. यामध्ये सन.1860 चा जुना भारतीय कायदा आणि सन.1जुलै 2024 चा नवीन भारतीय कायदा,कायद्यातील नवीन कलम व तरतुदी याबाबतीत पाहुण्यांकडून मार्गदर्शन करण्यात आले.

माननीय प्रमुख पाहुण्यांची ओळख व प्रास्ताविक प्रा.विजयकुमार लोंढे यांनी केले.

यावेळी कायदेतज्ञ प्राध्यापक ॲड. अरविंद देडे यांनी मार्गदर्शन केले.

प्रा.ॲड.अरविंद देडे यांचा शैक्षणिक परिचय पुढीलप्रमाणे. प्रा. देडे यांनी सोलापूर विद्यापीठामधून सन.2014 मध्ये बी.एस.सी.एल.एल.बी.प्रथम श्रेणीमध्ये उत्तीर्ण आहेत.सन 2016 मध्ये सोलापूर विद्यापीठामधून द्वितीय क्रमांकाने एल.एल.एम.प्रथम श्रेणीमध्ये उत्तीर्ण झाले. तसेच 2016साली राज्य पात्रता परीक्षा (सेट) प्रथम प्रयत्नात उत्तीर्ण झाले. त्यानंतर त्यांनी डिप्लोमा इन सायबर लॉ, डिप्लोमा इन कॉर्पोरेट लॉ, डिप्लोमा इन लेबर अँड वेल्फेअर लॉ, डिप्लोमा इन इंटेलेक्च्युअल प्रॉपर्टी लॉ प्रथम श्रेणी मधून उत्तीर्ण केले.

सन 2014 मध्ये सोलापूर जिल्हा व सत्र न्यायालय येथे त्यांनी आपल्या वकिली व्यवसायाची सुरुवात केली. गरजू आणि गोरगरिबांना मोफत कायदेविषयक सहाय्य देण्यासाठी जिल्हा विधी प्राधिकरण सेवा  ॲडव्होकेट पॅनल मध्ये नेमणूक झाली. 

सन 2017 मध्ये लोकमान्य टिळक विधी महाविद्यालया सोलापूर येथे प्राध्यापक म्हणून कार्यरत होते. तसेच दयानंद विधी महाविद्यालय सोलापूर येथे सहाय्यक प्राध्यापक म्हणून कार्यरत आहेत.

पंढरपूर, सांगोला, मंगळवेढा, सोलापूर शहर येथे विविध कायदेविषयक शिबिरांमध्ये मार्गदर्शक करीत आहेत. विधीअधिकारी म्हणून काम पाहत आहेत.

पत्रकारिता अभ्यासक्रमाच्या ऑनलाइन तासिकेमध्ये प्राध्यापक.ॲड अरविंद देडे यांनी पोस्को कायदा,ॲट्रॉसिटी कायदा, सामान्य नागरिकांचे कायदेविषयक अधिकार, भारतीय कायद्यांमध्ये काळानुरूप झालेले बदल, पत्रकारिता व पत्रकार यांच्यासंबंधित हक्क,अधिकार, जबाबदारी,भूमिका आदी. विषयांवर सखोल माहिती आणि मार्गदर्शन पत्रकारिता अभ्यासक्रमाच्या विद्यार्थ्यांना केले.

तसेच प्रा.ॲडव्होकेट अरविंद देडे यांनी जिल्हा विधी सेवा प्राधिकरण व तालुका विधी सेवा प्राधिकरण या विभागाअंतर्गत चालणाऱ्या कामांची माहिती दिली. पाहुण्यांनी केलेल्या मार्गदर्शनानंतर पत्रकारिता अभ्यासक्रमाच्या विद्यार्थ्यांनी नवीन भारतीय कायदा 1जुलै 2024 बद्दल विचारलेल्या प्रश्नांची उत्तरे, नवीन कायद्याबद्दलची सविस्तर माहिती, कायद्यातील कलमांविषयीची माहिती,तरतुदी इत्यादी.बाबतीत पाहुण्यांनी विद्यार्थ्यांना मार्गदर्शन केले.

यावेळी भाई छन्नूसिंह चंदेले महाविद्यालयाच्या संचालिका तथा माजी महापौर नलिनी चंदेले,प्रा.सिद्धार्थ गायकवाड, प्रा.विशाल पाटील, प्रा.विजयकुमार लोंढे, प्रा. मनीषा पाटील तसेच पत्रकारिता अभ्यासक्रमाचे सर्व विद्यार्थी ह्या ऑनलाइन कायदेविषयक मार्गदर्शन तासिकेसाठी उपस्थित होते. आभार प्रा.सिद्धार्थ गायकवाड यांनी मानले.

वंचित बहुजन माथाडी युनियनच्या जिल्हा सरचिटणीसपदी विजयकुमार लोंढे.....

 

सांगोला गौरव न्यूज नेटवर्क

वंचित बहुजन माथाडी ट्रान्सपोर्ट व जनरल कामगार युनियनच्या सोलापूर जिल्हा सरचिटणीसपदी विजयकुमार लोंढे यांची निवड करण्यात आली आहे. युनियनचे संस्थापक अध्यक्ष अॅड. प्रकाश तथा बाळासाहेब आंबेडकर

यांच्या मार्गदर्शनाखाली महाराष्ट्र प्रदेश सरचिटणीस सुरेश मोहिते यांनी नुकतीच सोलापूर जिल्हा कार्यकारणी जाहीर केली आहे.

सोलापूर जिल्हा अध्यक्षपदी प्रा. सुरज अरखराव, जिल्हा सरचिटणीस पदी प्रा. विजयकुमार लोंढे, जिल्हा संघटकपदी प्रा. सुधाकर

साबळे, कोषाध्यक्षपदी अविनाश वाघमारे यांची निवड करण्यात आली आहे.

विजयकुमार लोंढे हे बहुजन आवाज न्यूज या चॅनलचे संपादक तसेच पत्रकार सेवा संघ महाराष्ट्र राज्य विभाग पश्चिम महाराष्ट्राचे महासचिव पदी कार्यरत असून या माध्यमातून गोरगरीब, वंचित शोषित घटकांना न्याय मिळवून देण्याचे कार्य अहोरात्र करीत असल्याने त्यांची जिल्हा सरचिटणीसपदी निवड करण्यात आली आहे. याबद्दल त्यांचे सर्व स्तरातून अभिनंदन होत आहे.

युवा भिम सेनेचा वर्धापन दिन व पुरस्कार सन्मान सोहळा मोठ्या उत्साहात साजरा.....

 

सांगोला गौरव न्यूज नेटवर्क:

बुधवार दिनांक ११ जानेवारी रोजी सोलापूर रंगभवन येथे युवा भिम सेना महाराष्ट्र राज्य या सामाजिक संघटनेचा  ५ वा वर्धापन दिन मोठ्या उत्साहात साजरा करण्यात आला

याप्रसंगी या संघटनेचे संस्थापक अध्यक्ष महेश अण्णा डोलारे ,बाळासाहेब रास्ते ,बंटी गायकवाड ,अनिल सकट ,सुरेश पाटोळे ,नीता बनसोडे, सविता भोसले ,वैशाली डोलारे, सुनील काळे ,विकास गायकवाड आदी मान्यवर उपस्थित होते या वेळी संघटनेच्या वतीने समाज परिवर्तन मेळाव्याचे आयोजन करण्यात आले याप्रसंगी मनोगत व्यक्त करताना संघटनेचे संस्थापक अध्यक्ष श्री महेश अण्णा डोलारे म्हणाले की युवा भिमसेना ही संघटना दीनदलित शोषित पिढीत समाजासाठी काम करत असून कार्यामुळे च संघटनेचे नाव सबंध महाराष्ट्र भर चर्चेत आहे तर काम करीत असताना नुसता सामाजिक संघर्ष करून चालणार नाही तर राजकीय संघर्ष सुद्धा आपणास करावा लागेल अशा प्रकारचे मनोगत त्यांनी व्यक्त केले

 संघटनेमध्ये महाराष्ट्रभर पदाधिकाऱ्यांची नेमणूक करून व्याप्ती वाढवली आहे आणि पदाधिकाऱ्यांचाही उत्स्फूर्त सहभाग यामुळेच आपण आज या ठिकाणापर्यंत पोहोचलो आहे अशा प्रकारचा विश्वास महेश अण्णा डोलारे यांनी व्यक्त केला

पश्चिम महाराष्ट्र व सोलापूर जिल्हा NDMJ ला ऐतिहासिक यश.....

 

सांगोला गौरव न्यूज नेटवर्क:

सोलापूर जिल्ह्यात जातीय अन्याय अत्याचारत बळी पडलेल्या दोन पीडित कुटूंबाचे #_शासकीय_नोकरी मिळवून देऊन त्यांचे पुनर्वसन करण्यात आम्हाला यश आले आहे.... आंबेडकरी चळवळीचे महाराष्ट्रातील एकमेव कृतिशील रिझल्टबेस नेते महाराष्ट्रातील आंबेडकरी जनतेचे कार्यकर्त्यांचे आशावादी अन्याय अत्याचारच्या विरोधात प्रत्येक जिल्ह्याचे मैदान प्राणाची बाजी लावून लढणारे आणि प्रत्येक मैदान जिंकत निघालेले आमचे सर्वेसर्वा मा.#वैभवजी_गीते यांच्या मार्गदर्शनाखाली पश्चिम महाराष्ट्रचे अध्यक्ष संजयजी झेंडे पश्चिम महाराष्ट्राचे सचिव मा. बाबासाहेब सोनवणे यांच्या नेतृत्वाखाली सोलापूर जिल्हाध्यक्ष पंकजकुमार काटे आणि संघटनेचे पदाधिकारी धनाजी शिवपालक, अनिरुद्ध गायकवाड, येताळा खरबडे, समाधान धांडोरे, रोहित एकमल्ली, दत्ता कांबळे, शशिकांत गडहिरे ,अविनाश ताकतोडे आम्ही गेले अनेक दिवस जिल्हाधिकारी मा. मिलींद शंभरकर समाजकल्याण आयुक्त मा. कैलास आढे यांच्या कडे सोलापूर जिल्ह्यातील 23पीडिताच्या पुनर्वसणासाठी सातत्याने संघर्षशील पाठपुरावा करीत होतो त्यापैकी 2 कुटुंबाना शासकीय नोकरी मिळवून देण्यात आम्हाला यश आले आहे...

           दलित पँथरच्या वर्धापन दिनी आमचे नेते मा. वैभवजी गीते साहेब यांनी महाराष्ट्रातील 632खून प्रकरणातील पीडिताची जमीन पेन्शन नोकरी देऊन पुनर्वसन करण्याची घोषणा केली होती ही घोषणा सत्यात उतरवण्यासाठी आम्ही #सोलापूर_NDMJ टीम येणाऱ्या काळात गीते साहेबांच्या मार्गदर्शनाखाली सोलापूर जिल्ह्याची टीम सोबत घेऊन उर्वरित 21कुटूंबाचेही जमीन पेन्शन नोकरी मिळवून देऊन पुनर्वसन करून दाखऊ... अशी माहिती जिल्हाध्यक्ष पंकज कुमार काटे यांनी दिली या कामाचे जिल्ह्यातून सर्वत्र कौतुक व अभिनंदन केले जात आहे